Edhe pse tha se do të votojë ashtu si ka votuar babai i saj Ibrahim Rugova duke aluduar në votimin për Ramushin kryeministër, Teuta Rugova ka demantuar vetëvetën duke fajësuar mediat se e kanë keqkuptuar nga mediat.
Ajo thotë se qëndrimi i saj është ashtu siç deklarohet LDK-ja e Isa Mustafës.
“Mendoj se deklarata ime e mëparshme është keqkuptuar nga disa në raport me qëndrimin tim sepse shumë thirrje e mesazhe më kanë ardh me pyetje rreth votës time. Unë jam deputete e LDK-së dhe as tash nuk do të veproj as edhe kurrë më parë nuk kam vepruar jashtë qëndrimit të LDK-së”, ka shkruar ajo në Facebook.
Megjithatë kjo deklaratë e re e saj mund të vije pas reagimeve të mëdha që i janë bërë dhe ka dashur të qetësojë për momentin rugovistët e trazuar gjerë në seancën konstituive kur edhe pritet të ngritë dorën “pro” Haradinajt kryeministër. /tesheshi.com/
