Tetovë: ofertë e pazakontë e një pronari marketi për ndeshjen Shkëndija – Rabotniçki

Se futbolli, gjegjësisht ekipi Shkëndisë është mbi të gjitha për futballdashësit e Tetovës, përveç pranisë së madhe të tifozëve në stadiume si nikoqir por edhe si mysafir, gjithmonë aty ku luan Shkëndija, së fundmi dashurinë mbi klubin kuq e zi e ka dëshmuar në një formë mjaft interesante dhe të pazakontë një tifoz i flaktë i këtij ekipi.

Bëhet fjalë për pronarin e njërit prej marketeve në qytetin e Tetovës i cili për hir të ndeshjes finale për kupën e Maqedonisë që zhvillohet sonte ndërmjet ekipit të Shkëndisë dhe Rabotniçkit, ai sot ka hapur dyert e marketit dhe ka shkruar: “Për shkak të ndeshjes mes Shkëndisë dhe Rabotniçkit vetshërbim dhe çdo gjë gratis. Punëtorët nuk janë në orar të punës”. /tesheshi.com/