Tetova në Maqedoni dhe Tuzla në Bosnje, janë përfshirë mes dhjetë qyteteve evropiane me përqendrimin më të lartë të substancave toksike në ajër, sipas një studimi nga Organizata Botërore e Shëndetësisë për vitin 2018.
Edhe në ditët e vjeshtës së butë, njerëzit gëlltisin ajrin e ndotur në Tetovë, një qytet i lashtë që ndodhet në këmbët e Malit të Sharrit, raporton Reuters.
Ndërkohë, ka ankth mes banorëve se situata do të përkeqësohet më tej duke iu afruar dimrit.
Vitet e fundit ka ndodhur që autoritetet të detyrohen të mbyllnin edhe shkollat për shkak të smogut.
Tetova dhe Tuzla mbështeten shumë në konsumin e qymyrit me karbon të lartë në industrinë lokale dhe ngrohjen shtëpiake.
Emetimet e larta të gazrave të vjetra gjithashtu kontribuojnë ndjeshëm në ndotje, sipas informacionit të OBSH.
Banka Botërore vlerëson se të paktën 1.350 njerëz në vit humbasin jetën e tyre për shkak të ndotjes së ajrit, ndërsa kostot në ekonomi i tejkalojnë 200 milionë euro, raporton Reuters. /tesheshi.com/
