Tetë vetë janë plagosur, përfshirë një vajzë 7-vjeçare, në një sulm të armatosur nga persona të maskuar të dielën vonë para një xhamie në Avinjon të Francës.
Siç u raportua nga gazeta La Provence, dëshmitarët panë dy burra të maskuar, të cilet duke qëndruar para një xhamie, aty rreth orës 22:30, nisën të qëllojnë në drejtim të turmës që sapo kishte dalë prej saj.
Por policia përjashton të qeënit “një akt terrorist”, ndërkohë që një prokuror vendor është duke hetuar rreth asaj që të shtënat janë pjesë e përleshjeve mes bandave lokale.
Të paktën katër nga të lënduarit po qëndronin jashtë xhamisë, ndërsa vajza 7-vjeçare është goditur nga predhat ndërkohë që ajo po qëndronte ulur me familjen e saj në një apartament në katin e dytë.
Kujtojmë se vetëm pak ditë më parë, një njeri u pengua në përpjekje për të shtypur me makinë një turmë njerëzish të cilët ishin duke qëndruar para një xhamie në periferi të Parisit, në Creteil.
Ndërsa një person tjetër, i cili dy javë më parë sulmoi me furgon një grup besimtarësh muslimanë pranë një xhamie në veri të Londrës, ku humbi jetën dhe një person, u arrestua dhe u akuzua për “vrasje me motive terroriste”. /tesheshi.com/
