Një gjykatë apeli në Argjentinë ka konfirmuar se tetë profesionistë mjekësorë të akuzuar si përgjegjës për vdekjen e legjendës së futbollit Diego Armando Maradona do të dalin në gjyq.
Neurokirurgu Leopoldo Luke, psikiatri Agustina Kosachov dhe gjashtë të tjerë apeluan vendimin e gjykatës të vitit 2022 për t’i vënë ata në gjyq për vrasje të rëndë.
Tetë të pandehurit apeluan në një gjykatë në San Isidro, në veri të Buenos Aires, në lidhje me seriozitetin e akuzave, duke argumentuar se ata duhet të akuzohen për vrasje.
Prokuroria akuzon mjekët se kanë marrë pjesë në mjekimin “të pamatur” dhe “të pamjaftueshëm” në shtëpi të pacientit. Data e fillimit të procesit nuk është përcaktuar.
Maradona vdiq në nëntor 2020 në moshën 60-vjeçare ndërsa po shërohej nga operacioni në tru për shkak të një mpiksje gjaku dhe pas një beteje dekadash me varësinë ndaj kokainës dhe alkoolit.
Ai u gjet i vdekur në shtrat dy javë pas operacionit në një shtëpi me qira në Buenos Aires. Ai u zbulua se kishte vdekur nga një atak në zemër. /tesheshi.com/
