Koreja e Veriut e ka konsideruar të suksesshëm testimin më të fundit të një rakete balistike ndërkontinentale, duke e përshkruar atë si një “paralajmërim të ashpër” për Shtetet e Bashkuara.
Lideri i Koresë së Veriut, Kim Jong-un tha se testimi dëshmoi se gjithë Shtetet e Bashkuara ndodhen në rrezen e goditjes, raportoi media shtetërore në këtë vend.
Lëshimi i raketës erdhi tre javë pas testimit të parë në Korenë e Veriut të një rakete ndërkontinentale. Presidenti Donald Trump e cilësoi atë “veprimin më të fundit të pamaturisë dhe të rrezikshmërisë së regjimit koreano-verior”.
Edhe Kina e dënoi testimin raketor por apeloi të gjitha palët e përfshira të vetëpërmbahen dhe të shmangin përshkallëzimin e tensionit.
Koreja e Veriut që konfirmoi testimin tha se raketa ndërkontinentale fluturoi për 47 minuta dhe arriti një lartësi prej 3,724 kilometrash. /tesheshi.com/
