Kreu i grupit parlamentar të LSI-së, Petrit Vasili, ka kërkuar dhe njëherë nga kolegu i tij aleat në qeverisje, Ilir Beqja, që të tërhiqet nga testimi i bluzave të bardha. Përveç se të jashtëligjshëm, e ka konsideruar dhe poshtërues, sidomos nisur nga niveli mediokër i pyetjeve. çështja bëhet akoma më e mprehtë dhe për faktin se kundërshtimi i proçesit të testimit, më shumë se nga mjekët, po bëhet nga vetë aleati kryesor në qeverisje. Nuk ka asnjë të çarë në raportet PS-LSI në nivel lidershipi, sië mund spekullohet, por fakti që qëndrimet e kundërta po shkojnë drejt esktremit, tregon se jo çdo gjë shkon grurë mes tyre. Sakaq, testimi i mjekëve është ironuar nga një organ shëndeti, që ka gjetur në shkresën e ministrisë një mal me gabime gjuhësore.
