Një djalë 13-vjeçar nga Glendale, Utah, u qëllua disa herë nga policia pasi nëna e tij thirri për ndihmë kur djali ra në një krizë.
Linden Cameron, i cili ka formën e autizmit të Asperger-it, tani është në gjendje kritike në spital, tha nëna e tij.
Nëna, Golda Barton, tha se besonte se policia duhet të përdorte forcën më të vogël të mundshme.
Shefi i Policisë së Salt Lake City, Keith Horrocks u tha gazetarëve se “incidenti tani po hetohet”, shkruan BBC.
Barton tha se ajo i tha operatorit, i cili e thirri atë kur ajo telefonoi 911, se djali i saj duhet të dërgohej në spital për trajtim.
Ajo shtoi se ai ishte duke përjetuar një krizë sepse ishte dita e saj e parë në punë pas gati një viti dhe djali ishte i shqetësuar për ndarjen.
“Unë thashë se ai është i paarmatosur, nuk është asgjë, ai vetëm u zemërua dhe filloi të bërtasë. Ai është një fëmijë, ai po përpiqet të tërheqë vëmendjen, nuk di si ta rregullojë atë,” tha Barton.
Në një konferencë për shtyp, Rreshteri Horrocks tha se oficerët u thirrën për shkak të një “çështje të dhunshme psikologjike” dhe se djali “kërcënoi disa njerëz me armë”.
Ai shtoi se nuk kishte asnjë indikacion, kur ata mbërritën, se djali ishte i armatosur.
Një oficer policie qëlloi djalin kur ai u përpoq të shpëtonte, tha rreshteri Horrocks.
Linden Cameron pësoi dëmtime në shpatullën e tij, të dyja kaviljet, zorrët dhe fshikëzën.
“Efektet afatgjata të dëmtimeve të tij nuk dihen ende, por ka të ngjarë që shërimi i tij të jetë i gjatë dhe do të kërkojë disa lloje të trajtimit,” tha një mik i familjes.
Sipas të dhënave të mbledhura rregullisht nga Washington Post, policia amerikane ka vrarë 1,254 njerëz me sëmundje mendore që nga fillimi i vitit 2015, duke përfaqësuar 22 përqind të njerëzve të ekzekutuar nga policia në të gjithë vendin gjatë asaj periudhe. /tesheshi.com/
