Pas sulmit të së premtes në dy xhami të Zelandës së Re, me pasojë 50 muslimanë të vrarë, vrasësi Brenton Tarrant u krahasua me Anders Breivik, terroristin norvegjez që më 22 korrik 2011 vrau 77 vetë në ishullin Utojah, edhe ai në emër të urrejtjes ndaj muslimanëve dhe multikulturalizimit europian.
E përbashkëta tjetër e tyre është se që të dy lanë pas manifeste dhe që të dy kishin adhurim për kriminelin serb të luftës në Bosnje, ish-presidentin e serbëe të Bosnjes, Radovan Karaxhiç. Siç u pa, Tarrant po inspirohej me këngë çetnikësh teksa po bëhej gati të kreyente masakrën në dy xhami.
Por çfarë shkruante Breivik për Karaxhiç dhe ata që i quante “vëllezër serbë”?
“Vëllezërit serbë sulmuan pa të drejtë. Ata duan të zhdukin Islamin dhe t’i çojnë muslimanët përsëri në Shqipëri. Radovan Karaxhiç do të mbahet mend si një hero evropian. Ai nuk është një vrasës në masë dhe një racist, por një njeri që donte të shpëtonte shtëpinë e tij nga Islami”, shprehej Anders Behring Breivik në manifestin e tij prej 1.500 faqesh.
Po pse të dy terroristët kanë patur për frymëzim Radovan Karaxhiçin?
Sepse këtij të fundi i atribuohet masakra më e madhe pas Luftës së Dytë Botërore, ajo e Srebrenicës, ku në dy ditë u vranë e masakruan afro 8 mijë meshkuj muslimanë.
Siç dihet, lufta e Bosnjës, por dhe të tjerat në ish-Jugosllavi, përfshirë dhe atë të Kosovës, përpos arsyeve etnike kanë patur dhe arsye të pastra fetare.
Serbët iu qasen këtyre dy popujve në urrejtjen e tyre, më parë fetarisht se etnikisht. /tesheshi.com/
