Janë rikthyer sulmet terroriste në Europë, ku kësaj radhe është shënjestruar Barcelona, një ndër metropolet më të zhurmshme. Akti është po ai që tashmë përbën një risi, sulm me automjet mbi turmat.
Autoritetet kanë hezituar në fillim në kategorizimin e sulmit si “terrorist”, gjë që e kanë bërë më vonë sapo janë verifikuar të dhënat e para dhe janë shtuar po ashtu viktimat, që tashmë regjistrohen në 13 sosh.
Më i fundit sulm i ngjashëm ndodhi muaj më parë në Stokholm, një vend që gjithsesi ka qenë jashtë çdo zhvillim global me rrezik implikimi dhe e shënjestruar për hakmarrje.
Ndërsa Spanja ka qenë përgjithësisht e qetë, që pas sulmit në stacionin e trenave në Madrid, afro 15 vite më parë. Ngjarja vinte fill pas plojës së rënies së Kullave Binjake, 11 shtatorit tragjik.
E tani, një ndër kryeqendrat e saj më përfaqsuese dhe identitare, Barcelona, bëhet shënjestër e sulmeve që zakonisht i atribuohen si autorësi ISIS-it, ndonëse është fjala për një vend ku ETA, organizata speratiste baske, ka bërë kërdinë ndër vite. /tesheshi.com/
