Autoritetet spanjolle falenderuan pronarin e një restoranti turk dhe punonjësit e tij, të cilët mbajtën të plagosurit në restorant dhe i ndaluan terroristët të hyjnë brenda gjatë sulmittë së enjtes në Barcelonë.
Ercan Xhan, pronari 27-vjeçar i Rey de Estambul, tha se dëgjoi një zë të lartë dhe pa një furgon të ndalur, pasi iu desh pak kohe për të kuptuar situatën në pjesën historike të qytetit Las Ramblas.
“Policia nuk po prekte të lënduarit e rëndë, por po mbante njerëz të plagosur lehtë nga rruga. Më vonë hapëm restorantin tonë dhe filluam të mbajmë aty njerëz të plagosur së bashku me policinë”, thotë Xhan.
Një ditë pas sulmit, policia katalanase bëri një vizitë në restorant dhe falënderoi Xhan-in dhe të tjerët që punonin në Rey de Estambul për ndihmën e tyre. Zyrtarët spanjollë të sigurisë thanë se stafi i restorantit kontribuoi shumë pas sulmit.
Restoranti mendohej të ishte vendi fillestar ku do të fshiheshin terroristët, pasi policia e rrethoi menjëherë atë, ndërkohë që të dyshuarit ikën në këmbë. Xhani thuhet se kishte mbyllur menjëherë dyert, duke parandaluar një situatë të mundshme pengjesh. Sulmuesit më vonë përdorën një apartament pranë restorantit për t’i ikur policisë.
Të enjten në mbrëmje, 14 vetë u vranë dhe më shumë se 100 të tjerë u plagosën, kur një furgon i bardhë u fut në mesin e një turmë në një zonë të populluar me turistë në Barcelonën qendrore. /tesheshi.com/
