Së paku shtatë civilë kanë humbur jetën dhe nëntë të tjerë janë plagosur në Turqi, kur forcat kryengritëse të lëvizjes kurde PKK shënjestruan një automjet që po bartte disa punëtorë.
Ngjarja ndodhi mbrëmë në provincën e Dijarbakir. Autoritetet policore thonë se një mjet shpërthyes u ishte montuar në makinë punonjësve të një fabrike që po dilnin nga ndërrimi i pasdites.
Sipas njoftimit të Spitalit Qendror ne Dijarbakir, 10 persona janë lënduar dhe po marrin trajtim në qendrat e specializuara spitalore ne rrethinë.
Ky është i fundit incident nga konflikti 30 vjeçar mes Turqisë dhe PKK-së një organizatë e listuar si terroriste nga Turqia, BE-ja dhe SHBA-të.
Si pasojë e këtij konflikti, llogaritet se mbi 40,000 njerëz kanë humbur jetën, përfshirë gra dhe fëmijë. /tesheshi.com/
