Në 24 orët e fundit, 97 njerëz kanë vdekur nga koronavirusi që dje morri dhe një emër të ri zyrtar – COVID-19, si dhe janë raportuar 2,015 infeksione të reja, të dhënat e fundit të publikuara të Mërkurën nga Komisioni Kombëtar i Shëndetit në Kinë.
Kreu i ekipit të ekspertëve të Komisionit, Zhong Nansha, tha një ditë më parë se epidemia në vend mund të kufizohej deri në prill, me shifrat e fundit që sugjerojnë se mund të ketë shkak për optimizëm, sipas Reuters.
Numri i vdekjeve në New Hubei, epiqendra e një epidemie praktikisht e izoluar plotësisht nga pjesa tjetër e botës, të martën arriti në 94 vdekje dhe 1,068 raste të reja infeksioni.
Por numri i përgjithshëm i vdekjeve në Kinë është rritur, gjë që e detyroi OBSH-në ta trajtojë COVID-19, si një kërcënim potencialisht më i madh se terrorizmi.
“Bota duhet të zgjohet dhe ta trajtojë këtë armik si armik numër 1”, tha shefi i OBSH-së Tedros Adhanom Ghebreyesus, duke njoftuar se vaksina e parë mund të ishte në dispozicion brenda 18 muajve.
Nansha, këshilltari kryesor i qeverisë kineze për epideminë e koronavirusit, tha se numri i infeksioneve të reja në disa provinca po binte dhe parashikoi se epidemia do të arrijë kulmin këtë muaj.
“Shpresoj se kjo epidemi mund të përfundojë diku në prill,” tha Zhong, një epidemiolog që luajti një rol në frenimin e epidemisë SARS në 2003.
Edhe nëse epidemia frenohet, virusi tashmë ka goditur rëndë ekonominë kineze – kompanitë kanë filluar të pushojnë punëtorët, e me shumë prej tyre njoftojnë se do të duhet miliarda dollarë në kredi për t’u mbajtur në këmbë.
Zinxhirët e furnizimit të prodhuesve të automjeteve dhe telefonave inteligjentë janë këputur gjithashtu. /tesheshi.com/
