Kreu i muslimanëve të Kosovës mbrojti sërish “mbylljen” e xhamive përkohësishtpër shkak të situatës epidemike, duke shpresuar se rihapja, pra rikthimi i faljeve kolektive, mund të kthehet punë ditësh.
Një ditë pas Fiter Bajramit, Myftiu Tërnava tha se me shmangien e xhamive u ndoq një direktivë hyjnore.
“Qytetarët na kanë kuptuar drejtë dhe mirë. Nëse qesim para vetes diçka më të shenjtë se mirëqenien e popullit atëherë nuk jemi as imam, as hoxhallarë, as politikanë, me një fjalë nuk jemi askushi”, tha i pari i BIK-ut.
Por tha ai, tashmë po shkohet drejt normalitetit, “Unë them derisa këto ditë kemi lajme të mira, atëherë këto janë shenja të mira. Me emër të Zotit nesër do të takohem me kompetentët tanë, edhe me Institutin edhe me Ministrinë e Shëndetësisë, nëse kështu vazhdon brenda dy tre ditëve është e mundshme që të startojmë në xhami për faljen e namazeve”, tha Tërnava për Radio Dukagjinin. /tesheshi.com/
