Kreu i Bashkisë së Tiranës Erion Veliaj, promovoi faktin që sipas tij, asnjë prej kullave të Tiranës nuk pësoi dëme nga tërmeti. Përkundër kësaj tha ai, tërmeti ndëshkoi të vjetrën, ose atë ku është abuzuar.
“Për ata që me vite të tëra na janë bërë gangrenë…kulla, kulla kulla…dilni në dritare këtu shihni që Plazzës s’i ka rënë asnjë pllakë, Arenës Kombëtare nuk i ka rënë asnjë panel. Të gjithë ndërtimet kryesisht pa leje, të improvizuara ose shtëpi të vjetra të kohës së komunizmit të bëra me punë vullnetare, me parafabrikate dhe shto, e shto, e shto kafaze, ballkone, çaje ballkonin bëje dritare, çaje dritaren bëje derë, herët ose vonë do të duhet të përballemi me këtë papërgjegjshmëri”, tha Veliaj.
Deklarata e tij u bë gjatë një takimi të Këshillit Konsultativ të qeverisjes qendrore dhe vendore.
Aty, Veliaj bëri me dije se pushteti lokal do angazhohet me rehabilitimin e çdo dëmi.
“Besoj që në kohë rekord do të disbursojmë aty ku dëmet janë minimale dhe siç e keni vënë re do të rindërtojmë nga fillimi aty ku dëmet kanë qenë më të qenësishme”, tha Veliaj. /tesheshi.com/
