Kryeministri Rama iu përgjigj debatit të nxehtë me në fokus ndëshkimin e atyre ndërtuesve apo zyrtarëve të implikuar në godinat e shkatërruara nga tërmeti, duke thënë se dosjet e tyre po kopsiten.
“Lidhur me punën paralele që po zhvillohet për hetimet dhe për nxjerrjen e përgjegjësive të atyre që do të rezultojnë përgjegjës pavarësisht fuqisë së tërmetit, rastet kur godinat e shembura dhe të pabanueshme janë produkt e shkeljeve, shumë shpejt do të ketë rezultate konkrete”, tha Rama.
Ishte ky rasti ku Rama iu rikthye sërish KÇK-së së tij, duke thënë:
“Atyre që më shkruajnë që bien pre e lehaqenjeve që nxjerrja e përgjegjësive nuk është dicka që mund të bëhet sa hap dhe mbyll sytë, por kërkon dokumentim dhe KÇK është aty e gatshme të shfrytëzojë këtë situatë për të qenë në lartësinë e motos. Nuk do të t’i japim KÇK mundësinë të shqyejë ndonjë copë tjetër. Do të bëjmë çmos që të gjitha referimet të jenë të kopsitura, por kjo kërkon pak kohë dhe durim ju që me të drejtë kërkoni gjak”, theksoi kreu i qeverisë. /tesheshi.com/
