Deri më tani, 61 persona kanë humbur jetën nga tërmeti më i fuqishëm që goditi Meksikën një natë më parë, më i forti i 100 viteve të fundit. Tërmeti ka shkatërruar ndërtesa dhe ka shkaktuar evakuime masive në shtetet më të varfëra jugore Oaxaca dhe Chiapas.
Tërmeti i magnitudës 8.1 në bregun jugor ishte më i fortë se ai i vitit 1985, që shkatërroi pjesë të qytetit të Meksikës dhe vrau mijëra njerëz.
Dridhje të tokës u ndjenë edhe këtë herë në kryeqytet, Guatemalë dhe El Salvador, edhe pse qyteti i Juchitan në Oaxaca mbajti barrën më të madhe të fatkeqësisë. Në rrënoja janë gjetur pjesë të bashkisë, hotelit, kishës dhe ndërtesave të tjera.
Presidenti meksikan, Enrique Pena Nieto erdhi në qytet për të mbikëqyrur operacionet e shpëtimit. Kryebashkiaku, Gloria Sanchez, e quajti tërmetin “momenti më i tmerrshëm” në historinë e Juchitan.
Të gjitha vdekjet u regjistruan në tre shtete fqinje afër epiqendrës, e cila ishte rreth 70 milje larg bregdetit.
Meksika është vendi ku preken pesë pllaka tektonike, prandaj aktiviteti sizmik është shumë i fortë. Alarmi i cunamit i nisur në zonën e madhe të qendrës së Meksikës u hoq gjatë natës. /tesheshi.com/
