Tërmeti i rënë së fundi në Italinë qendrore, ka shuar tërësisht një qytet historik: Amatricen.
Ajo çfarë lanë pas lëkundjet e tërmetit aty, janë dhjetëra viktima, banesa të shembura, rrugë të bllokuara dhe njerëz në panik.
“Rrugët brenda dhe jashtë qytetit janë bllokuar. Gjysma e qytetit është zhdukur”, tha kryebashkiaku i qytetit Sergio Pirozzi.
Ai shton se “ka njerëz nën rrënoja dhe se një urë mund të shkatërrohet”.
Në të zbardhur, banorët, punonjësit e mbrojtjes civile, madje edhe priftërinjtë filluan gërmimin me lopata, madje dhe me duar për të kërkuar mes rrënojave të mbijetuarit.
Kreu i Amatrices tha se “ka nisur pastrimi i rrugëve me mjete të rënda. Ndërsa kryetari i komunës së Açumolit, Stefano Petruçi, tha mëngjesin e sotëm se “qyteti im nuk është më”.
Një banore e fshatit tha se ishte zgjuar në kohën kur muret e dhomës së gjumit ishin plasaritur. Ajo kishte dalë me urgjencë në rrugë së bashku me fëmijët e saj. Viktimat e para të tërmetit shkatërrues ishin një çift i moshuar në një shtëpi të shembur në Pescara del Tronto, në rajonin Marche, rreth dhjetë milje nga epiqendra e tërmetit.
Një familje prej katër personash janë raportuar të vdekur në qytetin e Açumolit, 2 prej tyre fëmijë. /tesheshi.com/
