Tërmeti i rënë në orët e pasdites në zemër të Shqipërisë, ku epiqendra ka qenë në fshatin Vinjoll të Matit, nuk ka kaluar pa pasoja, për fat jo në njerëz por godina.
Ministria e Mbrojtjes njofton se janë 12 banesa të dëmtuara në Bashkinë Klos, kryesisht në çarje muresh, dëmtime tavanesh etj., 8 banesa të dëmtuara në Bashkinë Mat, si edhe 47 banesa të dëmtuara në Bashkinë Bulqizë.
“Specialistët e Emergjencave Civile në Prefekturën Dibër janë në komunikim të vazhdueshëm me forcat që ndodhen në terren për të bashkërenduar veprimet në mënyrë që mos të ketë probleme tek banorët e prekur nga lëkundjet e tërmetit”, thuhet në njoftimin e MM.
Lëkundjet e tërmetit ishin për mbi 5 ballë, ku u ndjenë dhe në Tiranë e Durrës. /tesheshi.com/
