Kryeministri Rama propozoi që për rindërtimin e shtëpive të rrënuara nga një valë tëmetesh në zonën e Korçës, të kontribuohet në shkallë kombëtare.
“Çdo bashki do të marrë përsipër një shtëpi. U thashë që një pjesë të fondeve tona të fushatës t’i fusim aty. Edhe si PS të japim kontributin tonë. Më mirë t’i fusim aty, se sa t’i bëjmë postera lekët”, u shpreh Rama.
Ideja u propozua nga ai gjatë një takimi me banorë të njësisë nr.10 në Tiranë, në kuadër të fushatës për Tiranën.
Në këtë takim, Rama pati përballë pas shumë kohësh ish-ministrin e Rendit Fatmir Xhafaj, si dhe në krah këshilltaren bashkiake Albina Ferko-Nanaj, me gjasë e kaluar nga PDIU te PS. /tesheshi.com/
