Sizmiologu grek Spiros Pavlidis ka ofruar recetën anti-sizmike për Shqipërinë, duke e bërë në zyrën e kryeparlamentarit Ruçi.
Duke vlerësuar me superlativa kolegët shqiptarë, ai tha se Shqipëria i ka shembujt pozitivë nga fqinjët Greqi e Itali.
“Greqia dhe Italia kanë përvoja të shkëlqyera në studimin e dukurivë sizmike, mbrojtjen prej tërmeteve, kufizimin e pasojave të tyre dhe edukimin e popullsisë me kulturën antisizmike. Ju kini shkencëtarë të shquar, me të cilën ne kemi bashkëpunuar dhe po bashkëpunojmë.
Legjislacioni dhe rregulloret greke dhe italiane mund të përshtaten mjaft mirë për Shqipërinë sepse jemi në të njëjtën zonë sizmike. Kjo gjë duhet bërë menjëherë.
Legjislacioni dhe rregulloret duhet të parashikojnë dy aspekte: të gjitha ndërtimet e reja duhet të mbështeten në rregullat e rrepta antisizmike, ndërsa ndërtimet ekzistuese duhet të kontrollohen nga aftësitë e tyre për të përballuar lëkundje të mundshme sizmike, karakteristike për zonën sizmike ku bën pjesë Shqipëria.
Ju keni njënjë hartë sizmike të hartuar nga sizmologë të shquar shqiptarë, por mendoj se kjo hartë duhet të detajohet në harta zonale për të gjithë territorin e vendit”, tha sizmiologu grek.
Sipas tij, ka dhe diçka tjetër që pothuajse fare nuk ekziston në Shqipëri.
“Përveç kësaj, duhet të bashkëpunojmëpër të kultivuar kulturën sizmike të popullsia dhe çlirimin e saj prej stresit që shkaktojnë tërmetet dhe fatkeqësitë e tjera natyrore”, theksoi profesor Pavlidis.
Kryeparlametari Ruçi nga ana e tij vlerësoi recetën greke, duke thënë se “e konsideroj të nevojshme rishikimin e kujdesshëm të legjislacionit mbi tokën, mjedisin, ndërtimet, ujrat, parandalimin e fatkeqësive natyrore e çështje të tjera që lidhen me natyrën, burimet, pasuritë, por edhe dukuritë e saj.
Asnjë paragraf i legjislacionit tonë nuk duhet të devijojë nga mirëkuptimi me natyrën dhe ligjësitë e saj. Kuadri ynë ligjor duhet të respektojë në mënyrë rigoroze ligjësitë e saj dhe rezultatet e shkencave natyrore, gjeologjike, fizike etj”. /tesheshi.com/
