Numri i të vdekurve nga tërmeti që goditi Turqinë jugore pranë kufirit me Sirinë në fillim të muajit ka kaluar 50 mijë, sipas të dhënave të fundit nga të dy vendet.
Tërmeti vrau 44,218 njerëz vetëm në Turqi, sipas agjencisë shtetërore të lajmeve Anatolia, e cila citoi shifra nga agjencia e fatkeqësive AFAD.
Në Sirinë fqinje, deri më tani janë regjistruar 5,900 vdekje.
Më shumë se nëntë mijë pasgoditje pasuan tërmetin e 6 shkurtit, tha AFAD.
Mbi gjysmë milioni njerëz janë evakuuar nga zona e goditur nga fatkeqësia në Turqi.
Kujtojmë se kjo tragjedi për Turqinë, e konsideruar më e rënda e saj për shkaqe natyrore, i erdhi në një moment kulminant të fuqizimit si faktor gjeopoltik botëror, falë një ringritjeje prej dy dekadash nën qeverisjen e Erdoganit. /tesheshi.com/
