Ishte viti 2012 kur në Teksas të SHBA-ve një termet me magnitudë prej 4.8 ballë të shkallës Rihter dridhi të gjithë zonën përreth një impianti ku nxirrej naftë. Kjo ngjarje bëri të dyshohet se ekziston një lidhje midis puseve të naftës dhe termeteve. U deshën vetëm katër vite kërkime që shkencëtarët e Standford University të zbulonin se ekziston një lidhje e qartë ndërmjet sasive të mëdha të ujit që përdoren për naftënxjerrëset dhe dridhjeve sizmike të regjistruara.
Kërkimi ka parë skanimet e matjeve të deformimeve të nëntokës, duke regjistruar një seri termetesh me fuqi të ndryshme që nga fillimi i aktivitetit. Ujërat e përdorura nga kompanitë e naftës janë shumë të ndotura, e për këtë arsye ato futen nën tokë. Sipas kërkuesve, janë pikërisht shpimet në thellësi të mëdha për të derdhur ujin e ndotur që shkaktojnë termetet. Praktikisht, lëngu i futur nën tokë në një thellësi më të madhe se një kilometër e gjysëm ka një efekt ‘lubrifikues’ në të çarat midis shkëmbinjve duke shtuar kështu ‘lëvizjet’. Bëhet fjalë për një fenomen që mund të shkaktojë edhe termete me magnitudë të madhe. /tesheshi.com/
