Qeveria britanike e Theresa May është në ditën më të zezë të saj, që pas zgjedhjeve ku kryeministrja konservatore nuk arriti dot shumicën absolute në Dhomën e Komunave.
Pas dorëheqjes së ministrit të mbrojtjes, Michael Fallon, si pasojë e “sjelljeve të pahijshme” ndaj një femre, ka ardhur një tjetër largim në qeverinë e Mbretërisë së Bashkuar; ka dhënë dorëheqjen ministrja për Zhvillimin Ndërkombëtar, Priti Patel, pasi ka kryer disa takime të pautorizuara me zyrtarë politikanë izraelian, ndërmjet të cilëve edhe kryeministrin Benjamin Netanyahu.
45 vjeçarja Patel është thirrur me urgjencë në Downing Street, ndërkohë që ndodhej në një vizitë zyrtare në Uganda.
/tesheshi.com/
