Vjen arrestimi më i bujshëm nga SPAK: Erjon Veliaj, njeriu që qeverisë Tiranën prej tre mandatesh, njëherësh një nga figurat më potente të PS-së, i parë dhe si pasardhës i Ramës.
Kishte muaj që ndaj tij po kryeheshin disa hetime, ardhur pas arrestimit të disa drejtorëve në Bashki.
Ndaj Veliajt, Prokuroria e Posaçme po kryente hetime lidhur me disa akuza, si shpërdorim detyre, korrupsion aktiv, korrupsion pasiv, mosdeklarim i pasurisë dhe pastrim parash.
Për Veliajn është dhënë masa e sigurisë “arrest me burg”. Por mësohet gjithashtu se Gjykata ka miratuar masën e sigurisë “arrest në shtëpi” për bashkëshorten e Veliajt, Ajola Xoxa.
Zyrtarë të Byrosë Kombëtare të Hetimit kanë kryer disa herë kontrolle në ambientet e biznesit të kësaj të fundit si dhe ndaj kunatit të saj, vëllait të Erjonit, Arbi Veliaj.
Hetimet ndaj Veliajt drejtohen nga vetë Altin Dumani si prokuror, si dhe nga vartësi i tij Olsi Dado. /tesheshi.com/
