Borussia Monchengladbach do hyjë në histori si skuadra që i ndërpreu një ëndërr, por dhe një rekord Bayern-it pas 15 javesh pa asnjë humbje.
Skuadra e drejtuar nga spanjolli Pep Guardiola, një tip “Barcelone” tjetër e Europës dhe e Botës, u gjunjëzua përballë Borussia Monchengladbach-ut, me rezultatin 3-1.
Sinjali i vetëm pozitiv i bavarezëve nga kjo ndeshje, ishte rikthimi me gol i francezit Franck Ribery.
Beteja nisi në pjesën e dytë, ku futbollistët e Gladbach-ut shpërthyen që në minutat e para të saj duke realizuar tre gola. Oscar Wendt, Lars Stindl dhe Fabian Johnson e traumatizuan skuadrën e Guardiola-s, që deri në ato momente ishte “mbret” i padiskutueshëm.
Sigurisht që ky rezultat nuk e cënon aspak pozitën e Bayern-it në kampionat, të cilin e udhëheq me një siguri absolute për shkak të një diference të madhe pikësh ndaj ndjekësve. Ndërkohë, Borussia Monchengladbach, pas kësaj fitoreje pozicionohet në vendin e tretë. /tesheshi.com/
