Tajvani është goditur nga një tërmet i fuqishëm në orët e para të së shtunës. Epiqendra ka qenë pranë qytetit Tainan, në jug të vendit.
Me magnitudë 6.4 ballë, prej tërmetit kanë vdekur më së paku pesë persona ndërsa është shembur një ndërtesë shumëkatëshe. Ndërkohë, shumë të tjerë gjenden nën rrënoja. Godina të tjera po ashtu janë shembur, çka mund të sjellë dhe rritjen e numrit të viktimave.
Pesë tërmete të tjera me magnitudë më të ulët e shoqëruan të parin. Presidenti i vendit e përshkroi situatën ende të paqartë, “Situata e katastrofës nuk është ende shumë e qartë. Do të bëjmë çmos për t’i shpëtuar të mbijetuarit.”
Një tërmet i ngjashëm do ta godiste jugun e Tajvanit në vitin 1999, duke lënë 2.400 të vdekur. /tesheshi.com/
