Një aksident i rëndë në aksin Elbasan – Peqin ka çuar në një bilanc lufte. Janë katër humbje jete, ardhur si pasojë e përplasjes së tre automjeteve, ndërkohë që të plagosur janë tre persona, që janë dhe drejtuesit e tre automjeteve.
Viktimat e këtij aksidenti janë katër gra: Jonida Kotorri, 30 vjeçe, nga Tirana. Fatime Hoxha, 68 vjeçe, nga Cërriku. Lume Hoxha, 55 vjeçe, gjithashtu nga Cërriku. Fatushe Agolli, 60 vjeçe, Gramsh.
Të katërta ndodheshin brenda një automjeti tip Seat, i cili drejtohej nga shtetasi Gëzim Kotorri.
Ka qenë pikërisht humbja e kontrollit të këtij automjeti, shkak kryesor i aksidentit fatal.
Për ironi, të katër gratë që humbën jetën, plus dhe shoferi i plagosur, që të gjithë pasagjerë të Seatit, ktheheshin nga një ceremoni mortore, ku qe varrosur bashkëshorti i një prej viktimave, Fatime Hoxhës.
Aksi Elbasan – Peqin konsiderohet si ndër më të rrezikshmit, për shkak të bilancit të ngarkuar me aksidente në çdo kohë e rrethanë. /tesheshi.com/
