Autoritetet e Sri Lankës kanë hequr ndalesën për qasje në rrjetet sociale, që u imponua si masë sigurie pas sulmeve terroriste vdekjeprurëse që ndodhën me rastin e Pashkëve.
Presidenti i Sri Lankës, Maithripala Sirisena, deklaroi se nga sot përsëri lejohet qasja në të gjitha rrjetet sociale, duke përfshirë Facebook, WhatsApp dhe YouTube.
Sirisena ftoi të gjithë individët për “sjellje të përgjegjshme” në rrjetet sociale.
Të paktën 253 persona u vranë në një seri sulmesh terroriste që ndodhën në Sri Lankë për festën katolike të Pashkëve. Sulmet kishin për objektiv tre kisha dhe tre hotele luksoze.
Autoritetet e Sri Lankës po kryejnë operacione të gjera anti-terroriste në vend, kurse për sulmet akuzojnë grupin terrorist lokal, National Thowheed Jamaath, ndërkaq përgjegjësinë për sulmin e mori organizata terroriste DEASH. AA/tesheshi.com/
