Përfundimisht Serbia është tërhequr, dhe treni serb me mbishkrimin “Kosova është Serbi” nuk do të hyjë sonte në Mitrovicën e veriut, siç u paralajmërua gjatë ditës.
Për çështjen në fjalë, kryeministri i Serbisë, Aleksandër Vuqiq, në një konferencë të jashtëzakonshme për media është paraqitur i acaruar, pasi treni serb u ndal në Rashkë, e tha para gazetarëve se ka njoftuar Brukselin, Rusinë e Kinën dhe ka thirrur për nesër Këshillin e Sigurimit në një mbledhje urgjente.
Sipas tij, përderisa një kompani kosovare, “Lulëzimi Trans”, ka 50 autobusë që udhëtojnë rregullisht pa asnjë problem nga Kosova për në Serbi, “pse ne të mos e kemi një tren?”
Ai në fund të konferencës tha se nuk mund t’u përgjigjet pyetjeve të gazetarëve dhe e lëshoi sallën e konferencave tejet i nervozuar. /tesheshi.com/
