Nga redaksia
Marko Gjuriq, shefit i Zyrës serbe për Kosovën në qeverinë e Serbisë, edhe pse ishte paralajmëruar se do të merrte pjesë në protestën e organizuar në përkrahje të liderit të Iniciativës qytetare ‘SDP’ Oliver Ivanoviq dhe të akuzuarit tjetër Dragolub Delibashiq, më në fund ka hequr dorë nga pjesëmarrja në protestë.
Burime të portali tesheshi.com nga veriu i Mitrovicës, kanë njoftuar se Marko Gjuriq, ka hequr dorë nga pjesëmarrja direkt në protestë pas shumë lutjeve dhe negociatave që dyshohet se janë bërë nga ana e Policisë së Kosovës në veri si dhe të z/kryeministrit të Kosovës nga komuniteti serb, Branimir Stojaniviq.
Burimet e portalit tesheshi.com nga brenda takimit, kanë theksuar se Gjuriq, ka hequr dorë nga pjesëmarrja direkte në protestë, kur atij zyrtarë serb të Policisë së Kosovës nga rajoni i Veriut, i kanë thënë shprehimisht se: “nëse ju z. Gjuriq, merrni pjesë në protestë atëherë, krerët e policisë së Kosovës të rajonit të Veriut do të largohen nga puna menjëherë nga ana e Ministrisë së Brendshme të Kosovës.
Nëse ju nuk merrni pjesë në protestë, atëherë ne policia do të demantojë atë që po thuhet në media se ju keni hyrë ilegalisht, ne do të mohojmë se ju jeni duke qëndruar në Mitrovicë’. Në të kundërtën, ne policia do të jemi të detyruar që t’iu arrestojmë. Nëse nuk ju arrestojmë, ne policia, struktura komanduese menjëherë do të largohemi nga puna”, i kanë thënë kështu zyrtarë të lartë serb të Policisë së Kosovës të rajonit Veri, zyrtarit të qeverisë serbe, Marko Gjuriqit.
Burimi ka shtuar se edhe z/kryeministri i Kosovës, Branimir Stojanoviq, ka kërkuar nga Gjuriqi që të mos marrë pjesë në protestë, pasi që drejtuesit serbë të Policisë së Kosovë për rajoni veri do të shkarkohen menjëherë nga puna nga ana e Ministrisë së Brendshme të Kosovës.
“Interesi i serbëve të Kosovës por edhe i qeverisë së Serbisë është që këta policë serbë të mbeten në punë këtu ku janë”, ka cituar burimi të ketë thënë Stojanoviq.
Zyrtari i lartë i qeverisë së Serbisë i cili ka hyrë në Kosovë ilegalisht dhe nën shoqërinë e pjesëtarëve të armatosur të njësisë speciale Xhandarmëria serbe, është duke e vazhduar vizitën tij në veri të Mitrovicës.
Gjuriq të premten ka takuar zyrtarë të partisë së Oliver Ivanoviqit në zyrën e tyre, si dhe ka takuar edhe 4 kryetarët serbë të komunave veriore të Kosovës.
Në anën tjetër Besim Hoti, z/komandant i Policisë së Kosovës për rajonin veri i ka thënë portalit tesheshi.com vetëm se “Marko Gjuriq, nuk ka marr pjesë në protestë”.
Ndërsa i pyetur rreth asaj se a ka negocuar Policia e Kosovës me Marko Gjuriqin që të mos marr pjesë në protestë, Hoti ka mohur të ketë ndodhuar një gjë e tillë.
Burime të portalit tesheshi.com, njoftojnë se zyrtarë të lartë të Ministrisë së Brendshme të Kosovës dhe asaj të Punëve të Jashtme, pas marrjes së njoftimit se Marko Gjuriq është duke qëndruar të enjten në mbrëmje në Mitrovicë, kanë thirrur Policinë e Kosovës në dy pikat kufitare në veri në G1 në Jarinje të Leposaviqit dhe G 31 në Bërrnjak të Zubin Potokut, duke i pyetuar ata se a ka kaluar Gjuriq nëpërmjet pikë kufitare.
Policia e Kosovës në këto dy pika kufitare në Veri i ka njoftuar zyrtarët qeveritar të Kosovës se Marko Gjuriq nuk është futur në Kosovë nëpermjet këtyre dy pikave kufitare, ka sqaruar burim i portalit tesheshi.com. /tesheshi.com/
