Një grupim vëzhguesish ndërkombëtarë kanë vendosur tërheqjen nga misioni i tyre më 30 qershor.
Ata i përkasin Kongresit të Autoriteteve Lokale dhe Rajonale në Këshillin e Europës. Aktine tërheqjes e kanë përligjur me arsye sigurie.
“Udhëheqësit e Kongresit pas konsultimeve vendosën për mos dërgimin e vëzhgues nga Kongresi Autoriteteve Lokale dhe Rajonale në Këshillin e Europës për zgjedhjet e 30 Qershorit në Shqipëri, në vijimësi të pasigurisë që lidhet me organizimin e zgjedhjeve lokale, si dhe nga mundësia e pasjes së riqeve që lidhen me sigurisë në disa zona”, thuhet në njoftim.
Nga PD, kjo është pëkthyer si mosnjohje e 30 qershorit.
“Për herë të parë nga rënia e komunizmit, Këshilli i Europës ka vendosur të mos dërgojë Delegacion Vëzhgues për zgjedhjet, pavarësisht ftesës që i ka bërë Qeveria shqiptare. Këtë vendim Këshilli i Europës e ka marrë jo sepse ia ka kërkuar opozita, por sepse 30 Qershori nuk është ligjërisht ditë zgjedhjesh në Shqipëri. Ky është një vendim qartësisht politik sepse është një tërheqje që Këshilli i Europës nuk e ka bërë as për zgjedhje të zhvilluara në zona konfliktesh të armatosura apo konflikti civil nga Ukraina në Gjeorgji nga Armenia dhe Azerbajxhani apo edhe gjatë konfliktit të armatosur në Maqedoni. Duhet të mbahet parasysh se Këshilli i Europës është institucioni kryesor i monitorimit të zgjedhjeve vendore në Europë. Tërheqja e Këshillit të Europës, institucionit kryesor europian të mbrojtjes së të drejtave të njeriut dhe demokracisë, është distancim i qartë nga votimet farsë një-partiake, anti-demokratike dhe anti-kushtetuese që kërkon të bëjë Edi Rama”, tha Basha.
Por nga ana tjetër, OSBE nuk ka bërë të njëjtën gjë. Ky organizëm, si dhe ambasadat e vendeve kryesore, kanë vendosur të çojnë vazhgues në çdo KZAZ. /tesheshi.com/
