Dy njerëzit kryesor dhe të afërt të Trump-it, Richard Grenell dhe Robert O’Brien kanë shpërndarë statusit e hidhur të senatorit republikan David Perdue, ku paralajmërohet tërheqja e trupave amerikane nga Kosova, në rast se qeveria në Prishtinë vijon me kokëfortësinë e saj në çëshjtjen e taksës..
“Për më shumë se dy dekada, forcat amerikane kanë ndihmuar në ruajtjen e paqes mes Kosovës dhe Serbisë. Tani, me progresin e bërë historik, Kosova duhet të bëjë pjesën e vet dhe të shfuqizojë të gjitha detyrat e vendosura ndaj Serbisë. Nëse Kosova nuk është plotësisht e përkushtuar për paqe, atëherë SHBA-ja duhet të rishqyrtojë praninë e saj atje”, shkroi Perdue, duke shtuar kështu zërat për një “ndëshkim amerikan” në formën e tërheqjes së trupave.
Nga ana tjetër, njeriu i cili është bërë shkak për këtë ngërç në raportet mes Prishtinës dhe Uashingtonit, Albin Kurti, ofroi garanci se nuk do ketë antagonizma mes Kosovës dhe SHBA.
Kurti ka marrë vendim për një tërheqje të pjesshme të taksës, ndërkohë që amerikanët duan që heqja të jetë e plotë dhe e menjëhershme. /tesheshi.com/
