Shtetet e Bashkuara nuk kanë një afat kohor për tërheqjen e trupave nga Siria, por nuk kanë në plan për të qëndruar një kohë të pacaktuar, ka thënë një zyrtar i lartë i Departamentit të Shtetit, i cili është një sinjal i fortë se forcat amerikane mund të mbeten deri në atë që mund ta konsiderojnë si kapitullim total të ISIS-it, që është dhe shkaku pse ndodhen atje.
Forcat mbështetëse të SHBA-së janë ende në përpjekje për marrë territor nga ISIS në Siri – tha zyrtari, dy javë pasi presidenti Trump njoftoi tërheqjen e rreth 2,000 trupave nga Siria.
Trump tha se forcat e kishin përbushur misionin e tyre dhe se nuk ishin më e nevojshme qëndrimi në Siri.
Por ky vendim befasoi zyrtarët dhe aleatët, e madje prej tij Sekretari i Mbrojtjes Jim Mattis dha dorëheqjen, duke mos qenë dakort me tërheqjen.
“Ne nuk kemi një afat kohor për të tërhequr forcat tona nga Siria”, tha zyrtari.
“Kjo do të bëhet në një mënyrë të tillë që aleatët dhe partnerët tanë të vazhdojnë kudo presion mbi ISIS dhe që mos lënë asnjë hapësirë bosh për terroristët”, shtoi ai.
E nga ana tjetër, zyrtari shtoi se “SHBA nuk synon të ketë një prani ushtarake të pakufizuar ushtarake në Siri”.
Ky zhvillim do të thotë se “tërheqja amerikane”nga Siria mund të jetë diçka evazive, deri thjesht një “fjalë goje” e thënë nga Trump, ndërkohë që realiteti në terren do jetë po ai: amerikanë dhe kurdë së bashku. /tesheshi.com/
