Pranimi i Federatës së Basketbollit të Kosovës në FIBA, është përcjellur nga mediat ballkanike dhe ato botërore, ndonëse shikuar nga një prizëm tjetër. Mediat serbe nuk kanë nguruar ta quajnë skandal pranim me të drejta të plota të Kosovës në shtëpinë e madhe të basketbollit. Ndërkohë mediumet tjera botërore kanë raportuar për një sukses të rradhës të sportit të Kosovës dhe tani në pritje është vetëm futbolli.
Dy mediumet më të mëdha oniline ‘B 92’ dhe ‘Blic’ e kanë dhënë lajmin ndërsa kjo e para e ka mbajtur për një kohë edhe në ballinë. Reagimi më i rëndë ka qenë i ‘Vjestit’ që e ka cilësuar si skandaloze, këtë të arritur të Kosovës, transmeton ‘Gazeta olle’.
Ndërkohë mediat kroate si gjithnjë kanë ironizuar ato serbe. ‘24sport.hr’, kishte vënë për titull: FIBA pranon Kosovën, portalet serbe e quajnë: “Skandal në Gjenevë”.
Pranimi i Federatës së Basketbollit të Kosovës në FIBA ka përbërë lajm edhe për shumë media të huaja, të cilat i kushtojnë rëndë të madhe, anëtares së 215 të FIBA-s.
“Bordi i FIBA-s e bënë Kosovën anëtare të plotë”, ishte titulli i Asociatted Press.
“Kosova tani do të participojë në garat e FIBA-s”, ishte titulli i sportsnet.ca.
“Kosova bëhet anëtarja e 215-të në FIBA”, shkruante Anadolu Agency. /tesheshi.com/
