Kryeministri francez Edouard Philippe, bëri thirrje të hënën për shkurtime urgjente të taksave në përgjigje të protestave “jelekverdhëve”, që, edhe pas ta tërbimin e javëve të para, ende vijojnë të jenë në rrugë si një bezdi e kërcënim potencial për qeverisjen
Philippe ka lëshuar rezultatet e një “debati të madh” tremujor të iniciuar nga presidenti Emmanuel Macron në përgjigje të protestave, ku njerëzit e zakonshëm shprehin mendimin e tyre mbi ekonominë franceze dhe demokracinë, sipas AP.
Kryeministri u shpreh se “debati tregon qartë drejtimin: ne duhet të reduktojmë taksat dhe t’i zvogëlojmë ato sa më shpejt.”
Ai tha në të njëjtën kohë se qeveria duhet të reduktojë edhe shpenzimet publike.
Pritet që Macron do të prezantojë një sërë masash ekonomike javën e ardhshme.
Lëvizja e “jelekverdhëve” shpërthyer që në nëntor si reagim ndaj rritjes së çmimit të lëndëve djegëse fosile – një masë e detyrueshme e qeverisë franceze nga Marrëveshja e Klimës së Parisit – u përhap si një revoltë të përgjithshme kundër politikave ekonomike të Macron. /tesheshi.com/
