Izraeli kreu një sulm ajror mbi Bejrutin qendror në orët e para të mëngjesit të së hënës. Kjo është hera e parë që preket një zonë në kryeqytet. Sulmet e mëparshme ishin në periferite e saj jugore. Pra, ky është Izraeli, i cili po vepron si një qen i tërbuar, pa vija të kuqe.
Të paktën 105 persona janë vrarë në të gjithë Libanin gjatë 24 orëve të fundit ndërsa avionët luftarakë izraelitë vazhdojnë të bombardojnë vendin.
Që nga 23 shtatori, Izraeli ka nisur sulmin më intensiv në Liban që nga fillimi i përplasjeve me Hezbollahun gati një vit më parë.
Sulmet në Liban vranë të paktën 916 njerëz, duke përfshirë gra dhe fëmijë, dhe u plagosën 2,709, thanë autoritetet libaneze.
Much destruction at the scene of the attack in Beirut. pic.twitter.com/qZtsLPGpTq
— War Watch (@WarWatchs) September 29, 2024
Dita e 360-të e agresionit në Gaza
Ushtria izraelite vazhdon luftën gjenocidale në Gaza për 360 ditë. Mediat palestineze raportuan për vrasjen e një numri civilësh dhe plagosjen e të tjerëve pasi forcat pushtuese izraelite bombarduan një shkollë ku strehoheshin persona të zhvendosur në lagjen Al-Sultan, në perëndim të Beit Lahia, në veri të Rripit të Gazës, sot herët. Tre palestinezë u vranë gjithashtu dhe të tjerë u plagosën në një sulm ndaj një automjeti civil pranë qytetit Hamad, në veriperëndim të Khan Yunis, në jug të Rripit të Gazës. Një makinë u bombardua gjithashtu në zonën Maëasi Al-Qarara, në veriperëndim të Khan Yunis.
Rreth 17,000 fëmijë palestinezë janë vrarë në sulmet izraelite në Rripin e Gazës që nga tetori i vitit të kaluar.
“Rreth 25,973 fëmijë palestinezë tani jetojnë në Gaza pa një ose të dy prindërit për shkak të agresionit izraelit”, tha për Anadolu Ismail al-Thawabta, i cili drejton zyrën e mediave të qeverisë së Gazës. Ai vuri në dukje se të paktën 16,859 fëmijë, përfshirë 171 foshnja, janë vrarë në sulmet izraelite që nga 7 tetori i vitit të kaluar.
Që nga 7 tetori, Izraeli ka vrarë rreth 41,600 palestinezë në Gaza, kryesisht gra dhe fëmijë, dhe ka plagosur më shumë se 96,200, sipas autoriteteve lokale shëndetësore.
أستمع إلى تلك الصرخات، أستمع إليها جيداً.
إنها صرخات الألم والقهر والفقدان، صرخات على طفلها، ابنها، سنوات من التربية والاعتناء والشقاء.غزة تتألم، غزة تُباد، غزة تعاني عاماً من المأساة. pic.twitter.com/1ZZI0319pM
— Tamer | تامر (@tamerqdh) September 29, 2024
Ushtria izraelite, sulme dhe mbi Jemen
Grupi Houthi i Jemenit njoftoi të dielën se Izraeli kishte kryer sulme ajrore në qytetin perëndimor të Al Hudaydah. Televizioni Al-Masirah, i drejtuar nga Houthi, tha se objektivi i sulmit ishte një termocentral në qytet. Pamjet e postuara në rrjetet sociale tregojnë tymin që ngrihet nga zona.
Kanali 12 i Izraelit raportoi se tankerat e naftës në portin e Al Hudaydah u shkatërruan në sulm.
“Në një operacion ajror në shkallë të gjerë sot, dhjetëra avionë goditën objektivat ushtarake të grupit Houthi në rajonet Ras Issa dhe Al Hudaydah të Jemenit”, tha ushtria izraelite. Ata shtuan se janë goditur “centralet dhe një port që përdoret për transferimin e armëve”.
Bastisje në Bregun Perëndimor
Ushtria izraelite ka bërë arrestime gjatë bastisjeve në disa lokacione në Bregun Perëndimor të pushtuar në orët e fundit, sipas raporteve të mediave lokale.
Forcat izraelite arrestuan tetë burra nga familja Al-Amour gjatë një bastisjeje në qytetin Tuqu’, në jug të Betlehemit.
I burgosuri i liruar Majd Hourani u arrestua sërish pasi ushtarët izraelitë bastisën shtëpinë e tij në Qalqilya.
Grupet e rezistencës palestineze shënjestruan forcat izraelite me një bombë të bërë vetë gjatë një sulmi në kampin e vjetër Askar, në lindje të Nablusit. /tesheshi.com/
