Një foto e një harte interaktive të ngarkuar nga një pasagjer në një fluturim Air Canada Vancouver-Toronto ka qarkulluar në internet orët e fundit, në të cilën emri i Izraelit ishte “zhdukur” nga vendndodhja e tij gjeografike dhe në vend të tij shkruhej “Territoret Palestineze”.
Reagimet ishin të menjëhershme dhe detyruan kompaninë ajrore kanadeze të jepte shpjegime, duke ia atribuuar këtë gabim një “problemi ekrani”.
“Air Canada është vënë në dijeni për një problem të ekranit me hartën interaktive në sistemet argëtuese gjatë fluturimit – IFE në aeroplanët B737,” thotë transportuesi.
“Çështja ka prekur edhe operatorë të tjerë që përdorin të njëjtin sistem dhe ne po punojmë me ofruesin e palës së tretë për të adresuar problemin,” u theksua nw deklaratën shfajësuese.
Shtatorin e kaluar, pasagjerët vunë re se një ndryshim i ngjashëm ishte bërë në hartat interaktive në një fluturim JetBlue. Linja ajrore deklaroi në mënyrë të ngjashme se harta ishte dhënë nga një palë e tretë dhe vendosi “pas shqyrtimit të kujdesshëm” të kalonte në një furnizues të ri hartash.
Dhe tej arsyeve teknologjike, ajo që ka ndodhur duket si një kumt qiellor mbi të vërtetën e asaj toke, e cila është në të vërtetë palestineze, historikisht dhe pakundërshtueshmërisht e tillë, zaptuar nga një shtet gjenocidal si Izraeli. /tesheshi.com/
