Pas 88 vitesh, në xhaminë “Aja Sofia” në Stamboll u fal namazi i teravivë, falje speciale përgjatë gjithë Muajit të Ramazanit .
“Hagia Sophia” u rihap për falje më 24 korrik 2020, pas 86 vitesh muze, diktuar nga pushteti laik në Turqi, ai post-perandorak.
Besimtarë të shumtë sonte e kanë falur namazin e teravisë edhe në xhaminë “Hagia Sophia”, e cila është shtyrë prej dy viteve të fundit për shkak të pandemisë së koronavirusit.
Besimtarët filluan të vijnë aty që me namazin e akshamit, ndaj dhe “Hagia Sophia” u mbush plotësisht edhe 30 minuta para namazit të taravisë.
Shumë nuk mundën të hynin në xhami, ndaj faleshin në sheshin Sulltanahmet.
Kryetari i Drejtorisë për Çështje Fetare të Republikës së Turqisë, Ali Erbas, fali namazin e parë të teravive pas 88 vitesh.
Pasi u rihap për lutje më xhumanë e 24 korrikut 2020, pas 86 vitesh, xhamia “Hagia Sophia” në Stamboll është vizituar nga miliona njerëz që nga ajo ditë.
“Hagia Sophia” shërbeu si kishë për 916 vjet, deri në marrjen e Stambollit nga ana e osmanëve. Ajo më
pas u bled he u shndërrua xhami. E tillë ishte që nga viti 1453 deri në vitin 1934, kur mori statusin e muzeut.
Më 10 korrik 2020, një gjykatë në Turqi anuloi vendimin e cila i dha Shën Sofisë statusin e muzeut më 24 nëntor 1934. Me anulimin e vendimit iu kthye dhe statusi i xhamisë.
Si një nga destinacionet turistike më të vizituara në Stamboll, “Hagia Sophia” është përfshirë në Listën e Trashëgimisë Botërore të UNESCO-s që nga viti 1985. /tesheshi.com/
