“Tepsia” e famshme e Edi Ramës, një sajesë e fushatës më të fundit elektorale me të cilën shënjestroi LSI duke ndërtuar pothuajse gjithë ligjërimin e tij elektoral, ka hyrë në përdorim dhe në Kosovë.
Së fundi, atë, “tepsinë” e ka përmendur deputetja e AAK-së, Time Kadriaj, e cila në një replikë me Donika Kadaj Bujupin e VV, ka dalë në mbrojtje të shefit të saj, kryeministrit Haradinaj.
“Donik, kur e han piten, tepsija mbetet”, ka qenë një ndër frazat e komenteve të gruas së partisë së Ramushit në komentet e saj. Kuptimi në fakt ka qenë krejt tjetër, pasi Kosova ende nuk e ka një LSI, shkakun nga doli “tepsia” e Ramës. /tesheshi.com/
