Torturat ose kushtet ekstreme në burgjet e regjimit të Beshar Esadit kanë sjellë vdekjen e më shumë se 60.000 të gjendurve në to gjatë këtyre pesë viteve të konfliktit civil.
Drejtuesi i Observatorit Sirian për të Drejtat e Njeriut, Rami Abdel Rahman, ka deklaruar se ky numër është nxjerrë nga burimet qeveritare siriane.
“Së paku 60.000 njerëz kanë humbur jetën nga torturat apo nga kushtet e tmerrshme që nga marsi i 2011-tës në burgjet e regjimit, veçanërisht nga mungesa e mjekimit apo ushqimit,” ka thënë ai për agjencitë e lajmeve.
Numri më i madh i vdekjeve është regjistruar në burgun famëkeq Sednaja. Një prej qendrave më të mëdha të ndalimit në Siri, ky burg ndodhet 30 kilometra në veri të Damaskut, e në të mbahen mijëra të burgosur.
Observatori Sirian për të Drejtat e Njeriut thotë se ka bërë një listë me 14.456 emra që kanë vdekur në burgjet e regjimit të Esadit, mes të cilëve 110 fëmijë.
Që prej shpërthimit të konfliktit në vitin 2011, sipas Abdel Rahman-it, forcat qeveritare kanë arrestuar 500.000 njerëz. Fati i mijëra të ndaluarve mbetet ende i panjohur. /tesheshi.com/
