Nuk është hera e parë që këngëtarja Taylor Swift bën gjeste shumë prekëse dhe mbështet fansat e saj. Mirëpo, deri më tani nuk kishte ndodhur asnjë rast i ngjashëm me këtë që do t’ju tregojmë.
Ajo ka dhuruar një shumë të majme për një nga fansat e saj, i cili, për fat të keq, edhe pse në moshë shumë të re, vuan nga kanceri. Naomi Oakes kishte planifikuar të merrte pjese në turin ‘Shake it of” që Swift po realizon nëpër shtete të ndryshme gjatë disa javëve. Ajo kishte në plan të shkonte në koncertin e Swift bashkë me shoqet e saj më të mira më 18 gusht, por për fat të keq, planet u prenë në mes, pasi u diagnostikua me kancer më 25 qershor.
Naomi kishte nevojë për trajtime të veçanta dhe shumë intensive, çka e ka detyruar të rrijë e shtruar në spital për 6 muaj. Në këtë pikë, familja vendosi të realizonte për vajzën një video prekëse, në të cilën kanë përshkruar dashurinë e vajzës për yllin e pop-it si dhe zhgënjimin që nuk kishte mundur të merrte pjesë në koncertin e këngëtares 25-vjeçare.
Mirëpo, si asnjë herë më parë, Swift, pasi u njoh me historinë e vajzës së re, vendosi t’i dhurojë asaj shifrën prej 50 mijë dollarësh, me një dedikim për Naomin: “Të mrekullueshmes dhe të guximshmes Naomi. Më vjen shumë keq që ti nuk mund të jesh në koncert. Mundohu të shërohesh. Të dërgoj ty dhe familjes tënde një përqafim ë madh”.
Në fakt, ky nuk është rasti i parë i një veprimi kaq bujar nga ana e Taylor Swift kundrejt fansave të saj. Për shembull, të gjithë e kujtojnë momentin kur ajo i pagoi të gjitha shpenzimet ekonomike të universitetit, një faneseje që ishte në vështirësi ekonomike, duke i dhuruar shifrën prej 1989 dollarësh dhe jo rastësisht. / tesheshi.com/
