Tepelena, e rënë nën diktatin e një limonite tipike provinciale, u gjallëruar dje teksa priti me qindra fëmijë anekënd Shqipërisë në të parin festival folklorik kombëtar për fëmijë.
Një pjesëmarje masive dhe mjaft entuziaste ka ndezur dje pedonalen e qytetit ku u zhvillua në formën e një parade gjithë koreografia e veshjes dhe muzikalitetit tradicional të vendit tonë. Në këtë enveniment 2 ditor u bënë protagonistë 11 grupe me nga 25-30 vetë të mbledhura nga rrethe të ndryshme.
Kjo traditë mijravjeçare u përcoll me mjeshtëri nga talentet me të spikatura, nën drejtimin e udhëheqësve artistikë të rretheve pjesëmarrëse. Në këtë performacë u përfshinë këngët isopolifonike dhe instrumentale, si dhe vallet e folklorit shqiptar.
Ky festival mbajti nën emocion përreth dy orë fëmijë, por dhe të rritur të cilët ndoshta kanë kujtuar me nostalgji kohën kur qyteti zjente nga provat përgatitore në Kalanë e Festivalit që zhvillohej 20 minuat më tutje, në Gjirokastër.
Mbrëmja e veçantë u finalizua me përshndetjen dhe ndarjen e çmimeve nga ana e kryetarit te bashkisë, z.Tërmet Peçi si dhe drejtorit te QKF-së Tepelenë, z.Gjon Dervishi, i cili ishte edhe drejtuesi kryesor i këtij projekti artistik. Ajo çka vlen të theksohet, është se ndryshe evinimentet e tjera të këtij lloji, çmimet artistike u zëvendësuan me diploma mirënjohjeje dhe, për të gjithë grupet e fëmijëve pjesëmarrës u bë një vlerësim i barabartë. A. Toti – /tesheshi.com/
