Për shkak të përhapjes së dezinformatave për virusin koronar COVID-19, Facebook ka ndaluar përdorimin e platformës së tij për disa nga përmbajtjet e publikuara nga Natural Neës, veçanërisht ato në lidhje me teorinë e konspiracionit të bërë në Maqedoninë Veriore dhe Filipinet.
Natural News është një nga iniciatoret e një video virale të quajtur “Plandemia”, në të cilën pohohet në mënyrë të rreme se virusi koronar është pjesë e një komploti kompleks qeveritar për të kontrolluar popullsinë duke përdorur vaksina.
Pretendimi se përdorimi i një maske mbrojtëse rrit rrezikun e marrjes së koronavirusit është gjithashtu i gabuar.
Facebook ka zbuluar se trollet e huaj, si ato në Maqedoninë Veriore dhe Filipinet, vazhdimisht e vendosin përmbajtjen e tillë në platformën e saj.
Natural News ka nisur një aksion kundër vaksinimit, si dhe gënjeshtra në lidhje me dëmtimin e teknologjisë 5G dhe Bill Gates.
Këto trolle gjithashtu postojnë përmbajtje nga portale të tjera, të ngjashme, të tilla si NewsTarget dhe Brighteon, në Facebook.
Promovimi i terapive false
Në 25 vitet e ekzistencës së Natural News, mijëra tekste janë postuar në këtë faqe duke refuzuar qasjet shkencore për trajtimin e sëmundjes, promovimin e terapive false dhe përhapjen e teorive të komplotit.
Në tekste të tilla, studiuesit shpesh sulmohen, të cilët madje dhe kërcënohen me dhunë.
Gjatë rrugës, reklamohet shitja e produkteve të dyshimta për humbjen e peshës ose ilaçeve të paprovuara shkencërisht kundër sëmundjeve të ndryshme.
Natural News ka afërsisht 3.5 milion vizita në muaj dhe shpesh përdor nëngrupe që përmbytin mediat sociale me dezinformata shëndetësore.
Disa nga këto nëngrupe ose trolle janë gjithashtu në Maqedoninë Veriore.
Gjatë fushatës presidenciale të SHBA 2016, grupe të ngjashme, të financuara nga Rusia, u përdorën në Veles, Maqedonia Veriore. /tesheshi.com/
