Nëse jeni në fillim të njëzetave dhe po reflektoni për të ardhmen tuaj romantike, mund të merrni në konsiderate rregullin “37 për qind”.
Sipas dy bashkëautorëve të një studimi të algoritmeve që përdorin shkencën kompjuterike për të studiuar vendimmarrjen njerëzore, ky rregull kursen goxha kohë dhe ankth.
Rregulli “37 për qind”, praktikisht thotë se kur ke nevojë për të shqyrtuar një sërë opcionesh brenda një kohe të kufizuar – qoftë kjo kandidatët më të mirë për një vend pune, apartamentet e reja, apo partnerët e mundshëm romantikë – koha më e mirë për të marrë një vendim është pasi ke kapërcyer 37 për qind të opcioneve.
Në këtë pikë, në një proces selektimi, mund të kesh mbledhur informacion të mjaftueshëm për të marrë një vendim të mirë, por ndërkaq, nuk do të humbasësh kohë të shkosh deri në fund të listës. Në pikën e 37 përqindëshit, je në një vend të mirë për të zgjedhur më të mirin.
Kështu, nëse po kërkon dashurinë midis moshës 18 dhe 40 vjeç, mosha më e mirë për të nisur seriozisht planifikimin e martesës është pas ditëlindjes së 26-të. Përpara kësaj moshe, mund të humbasësh opcione shumë të mira, ndërsa pas saj, opcionet shumë të mira mund të mos jenë të disponueshëm. /tesheshi.com/
