Modeli më i fundit i atleteve sportive nga marka e njohur Puma – “Storm Adrenaline” – ka shkaktuar një varg komentesh në rrjetet sociale.
Kjo, për shkak se është dyshuar në një teori komploti që ka të bëjë me portretin e kamufluar aty të Hitlerit.
Teoria e komplotit popullor ka marrë dy “prova” të forta; atë që themeluesi i Puma-s, Rudolf Dassler, ishte anëtar i partisë naziste dhe raportohet se një mbështetës i flaktë i Nacional-Socialistëve. Një tjetër provë “kryesore” është pikërisht pamja e atleteve. Kur shikohen nga lart, ato të shfaqin detaje si mustaqet dhe flokët e Adolf Hitlerit.
Kjo të kujton atë që ndodhu në fillim të viteve ’80 në Shqipëri, kur nisën të dilnin në treg të ashtuquajturat “çorapë me lule”. Në një lloj dizanji prej tyre, ishte dhe ajo shkronjës X të kombinuar mes vetes në disa variante gjeometrike. Kjo bëri që “nuhatja popullore” të gjente aty kamuflimin e emrit të armikut të partisë Koçi Xoxe, duke aluduar se armiku kishte depërtuar deri në radhët e modelistëve në linjën e prodhimit.
Çorapet me atë dizanj realisht dolën nga qarkullimi, edhe pse si model i përkisnin moshave të vogla. /tesheshi.com/
