Gjermanët nuk njihen si popull me komplekse e paranoja; përkundrazi, kanë një ndërgjegje e vetëdije shoqërore për t’u admiruar. Por dështimi i pazakontë në Botëror, ku për herë të parë u eliminuan që në fazën e grupeve, ka bërë që ta humbin disi fillin e arsyes e të aludojnë për konspiracion.
Mediat gjermane e kanë gjetur “shkakun” e ikjes së “parakohshme” nga Rusia, pikërisht tek ai që deri pak vite më parë konsiderohej si yll, Mesud Ozil.
Bild-i, që dhe më parë publikoi disa shkrime kritike kundër Ozilit, së fundi ka publikuar një sosh me titullin “Ozil, dhimbje koke të dyfishtë dhe asgjë më shumë.”
Por kjo është shoqëruar me foton e bujshme të Ozilit me Erdoganin, ku është dhe një tjetër lojtar me origjinë turke i përfaqësueses gjermane, Ilkay Gundogan, shkrepur në maj në Londër.
Fotoja e cila u komentua politikisht, ku media gjermane shfryu ndaj saj për shkak të një fryme anti-Erdogan që e karakterizon atë dhe qeverinë e Berlinit, tashmë ka marrë dhe karakter konspirativ. Sepse gazeta e njohur gjermane shkruan se është pikërisht kjo ngjarje, pra takimi dhe pozimi Erdogan-Ozil, një prej arsyeve të eliminimit të Gjermanisë.
Bild aludon se një grup lojtarësh të përbërë nga Sami Khedira, Jerome Boateng dhe Julian Draxler, janë rreshtuar krah Ozilit në projektin e tij për ta çuar Gjermaninë drejt dështimit.
Ndaj dhe Die Welt shkruan se është e nevojshme për të formuar një ekip të ri pa këta emra, e sigurisht pa Ozilin.
Konsipracionin e ka ushqyer dhe fakti që Ozil nuk e interpreton himnin gjerman, kjo sipas disa mediave të Berlinit. /tesheshi.com/
