“Priti rreth 3 jave dhe nuk mori përgjigje për shqetësimin e tij, ndaj edhe e detyruan të ndërmarrë tjetër akt vetëvrasës”. Kështu shprehet babai i Saimir Zallit, 35-vjeçarit nga Lezha që tentoj t’i jepte fund jetës duke u vetëdjegur para parlamentit paraditen e së enjtes. Hamza Zalli thotë se nuk e lejojnë që të takojë dy fëmijët e mitur, edhe pse gjykata i ka dhënë të drejtë pas divorcit.
Shqetësimet për 35-vjeçarin kanë nisur vetëm pas problemeve që i linden pas divorcit mebashkëshorten, ndaj Hamza Zalli kërkon ndihmë për të birin. Ai paralajmëron vetëflijimin e të birit nëse nuk do të ketë zgjidhje për problemin që ai ka.
Vendimi i Gjykatës
Në vendimin e Gjykatës së Lezhës të marrë 23-qershor 2015 për zgjidhje martese të Saimir Zallit, thuhet se fëmijët i besohen për rritje dhe edukim pikërisht të atit, duke patur të drejtë e paditura Malvina Zalli që të mbikqyrë rritjen dhe edukimin e tyre, t’i takojë, t’i mbajq dhe të banojë me fëmijët nga e premtja e javës së parë dhe të tretë të çdo muaji, ora 10.00, si dhe gjatë muajit gusht të çdo viti.
Ja si shprehet Hamza Zalli për rastin e të birit.
Si e morrët vesh lajmin se djali juaj i ka vënë flakën vetes?
Mua më mori në telefon një njeri imi dhe me tregoi për ngjarjen që kishte ndodhur, pasi as drita nuk kishim në shtëpi për të parë në televizor. Kur erdhën dritat pas 20 minutash pashë pastaj se të gjithë mediat po flisnin për këtë çështje.
Që kur s’jeni takuar me djalin tuaj?
Të mërkurën ka qenë në shtëpi. Nga pasditja më tha “do iki në Tiranë dhe mos u shqetësoni se do qëndroj një natë atje”. Iku të mërkurën pasdite dhe ne s’kemi komunikuar më me të.
Pse e ndërmorri Saimiri këtë akt për të dytën herë?
Të them të drejtën ai ka pas probleme me ish-gruan që prej divorcit. Ajo dhe familja e saj s’e lejojnë të takojë dy fëmijët e mitur edhe sipas dokumentave të gjykatës është një e drejtë që i takon. Por ai është penguar t’i takojë, pasi sapo shkonte për t’i takuar, ish-gruaja njoftonte policinë, pasi siç duket ka marrë urdhër mbrojtjeje në Tiranë. Kur hipi herën e parë në vinç, i patën premtuar se problemi do merrte zgjidhje, por kaluan gati tre javë dhe gjeti asnjë zgjidhje.
Ju tregonte djali juaj për problemet që kishte?
Ai fliste shumë pak, por herëpashere ankohej se insitucionet nuk po i jepnin asnjë zgjidhje. I kishte ngelur mendja tek fëmijet, donte t’i takonte herëpashere. Por neve si prind s’na ka treguar asnjëherë se do të vetëflijohej.
Ka shfaqur probleme me shëndetin ndonjëherë?
Që prej kohës kur është divorcuar me gruan, ai nuk ka qenë mirë me shëndet. Ka shfaqur probleme depresioni, kjo për faktin se nuk ishte as në punë, sepse ai ka qenë një djalë shumë punëtor dhe për shpi.
Çfarë kërkoni nga insitucionet shtetëtore?
Unë i bëj apel shtetit shqiptar që ta shikojë këtë çështje e t’i japë zgjidhje. Ai nuk po kërkon ndonjë gjë të madhe, vetëm të takoje fëmijët e tij. Jam i bindur se në qoftëse nuk do ja zgjidhin këtë problem, ai do vëtëflijohet se ja ka nisur asaj rruge. /tesheshi.com/
