Tentativa për tu hedhur nga tarraca e një ndërtese e një të riu nga Dibra ka marrë fund pas 12 orësh negociata me policinë. Kjo e fundit u njoftua dje se një qytetar kishte kërcënuar se do të hidhej nga lartësia.
Uniformat blu shkuan në vendin e ngjarjes dhe nisën negociatat, por duket se ka qenë shumë e vështirë për të bindur 28-vjeçarin të zbriste.
Në mesnatë, dy punonjës policie të Komisariatit në Shijak kanë ndërhyrë, në momentin kur dibrani tentoi të hidhet, duke e kapur atë nga gjymtyrët e poshtëm.
Në ndihmë të policisë shkuan edhe forcat Renea, zjarrfikësja dhe ambulanca e qytetit, ndërsa pas shpëtimit K.H. është dërguar në spital, nën mbikëqyrje të doktorëve.
Shkaku që e çoi 28 vjeçarin drejt një veprimi të tillë ishte gjendja e rënduar psikologjike. /tesheshi.com/
