Një tentativë për grusht shteti nga ana e krerëve të ushtrisë në Turqi ka pezulluar transmetimet e radiotelevizionit publik turk TRT.
Sipas BBC-së, disa ushtarakë kanë hyrë në studiot e televizionet në Stamboll dhe kanë bërë të ditur se kanë kontrollin edhe në Ankara e qytete të tjera.
Avionë luftarakë dhe helikopterë po fluturojnë në kryeqytetin turk.
Të dyja urat mbi Bosfor që lidhin pjesën lindore dhe perëndimore të Stambollit janë mbyllur, tanke të ushtrisë turke janë vendosur në aeroportin ndërkombëtar “Ataturk” të Stambollit.
Shefi i Shtabit të Ushtrisë turke mësohet se është peng i puçistëve, ndërkohë presidenti Erdogan rezulton se është në kushte lirie.
Në faqen zyrtare të Shtabit të Përgjithshëm të Ushtrisë shkruhet: “Kemi marrë pushtetin në Turqi”.
Ende nuk është e qartë se kemi të bëjmë me një grup që tenton të marrë pushtetin me grusht shteti apo me të gjithë ushtrinë.
Ndërkohë, kryeministri turk, Binali Yildirim, ka deklaruar se “Puçistët do të ndëshkohen rëndë. Turqia nuk do të lejojë kurrë një inciativë që të ndërpresë dhe ndalojë demokracinë.”
Yildirim ka shtuar se autorët e tentativës së puçit do të paguajnë çmimin më të lartë. /tesheshi.com/
